لاہورانٹرنیشنل ایئرپورٹ سیکورٹی فورس نے علامہ اقبال ائیرپورٹ پر کارروائی کرتے ہوئے 6 کلو گرام ہیروئن سعودی عرب اسمگل کرنے کی کوشش ناکام بنادی گئی۔ لاہورکے علامہ اقبال انٹرنیشنل ائیرپورٹ پر ضلع خوشاب کا رہائشی منور اپنی اہلیہ کے ہمراہ عمرے کی ادائیگی کے لیے جدہ جارہا تھا، ایئرپورٹ پر سامان چیکنگ کے دوران ائیرپورٹ سیکیورٹی فورس نے منوراوراس کی اہلیہ شبانہ منورکے بیگز کی تہہ میں چھپائی 6 کلو گرام ہیروئن برآمد کرلی۔اے ایس ایف حکام کا کہنا ہے کہ برآمد کی گئی ہیروئن کروڑوں روپے مالیت کی ہے جب کہ دونوں ملزمان کو اے ایس ایف نے مزید تفتیش کے لیے نا معلوم مقام پرمنتقل کردیا۔
